Siglir tar il cuntegn

Svizra Betg auzar la vegliadetgna da renta da dunnas sin 65 onns

La cumissiun da dunnas dal sindicat Unia n'è betg d'accord che la vegliadetgna da renta da las dunnas duai vegnir auzada sin 65 onns. Il Cussegl federal ed il Cussegl dals chantuns veglian spargnar sin cust da las dunnas, han ellas crititgà en ina resoluziun.

Gia il 2009 avevan commembras da l'Unia protestà cunter in auzament da la vegliadetgna da renta.
Legenda: Gia il 2009 avevan commembras da l'Unia protestà cunter in auzament da la vegliadetgna da renta. Keystone

Ellas pretendan enstagl ina vegliadetgna d'AVS flexibla che saja finanziabla per tuts. Las dunnas da l'Unia refusan er il sbassament da la taxa da transfurmaziun per dabuns da la cassa da pensiun.

Entradas gia bassas vegnissan engrevgiadas

Uschia vegnissan entradas bassas, sco quai che las dunnas hajan savens anc adina, engrevgiadas surproporziunalmain. Tenor la cumissiun fiss quest auzament da la vegliadetgna da renta in pass en direcziun vegliadetgna da renta 67, sco quai ch'ella vegn beneventada da politichers ed emploiaders burghais. Quai vul il sindicat impedir.

RR novitads 18:00