Siglir tar il cuntegn

Header

cuntegn

Betg avunda suttascripziuns Iniziativa da generaziuns ha fatg naufragi

L'iniziativa da generaziuns n'è betg reussida. Tenor ils iniziants n'èsi betg pussaivel da rimnar las suttascripziuns necessarias fin la fin dal termin che scada ils 7 da mars. L'iniziativa «GEA a rentas fairas e segiras» aveva la finamira dad adattar la vegliadetgna da renta a l'aspectativa da vita. Ultra da quai na duess la tariffa da conversiun en la prevenziun professiunala betg pli vegnir reglada en la lescha.

Il comité d'iniziativa ha pretendì ch'il provediment da vegliadetgna stoppia sa basar sin cundiziuns da basa realas, uschiglio saja ella ina maschina da repartiziun. Actualmain vegnia repartì mintg'onn radund 6 milliardas dal chapital da spargn da la glieud giuvna.

Per che l'iniziativa fiss reussida avessi duvrà 100'000 suttascripziuns. Ils iniziants vulan ussa persequitar vinavant lur finamira sco uniun.

audio
Per tadlar: las novitads da las 08:00
ord RTR Audio dals 07.02.2023.
laschar ir. Durada: 5 minutas 22 Secundas.

RTR novitads 06:00

Artitgels legids il pli savens