I duai sa tractar da subvenziuns annualas en l'autezza da fin a 300'000 francs che l'interpresa da bus Aarau e la viafier Wynental e Suhrental hajan quintà giu fallà sur onns. Quai scriva la «SonntagsZeitung» e sa referescha sin in rapport da revisiun da l'Uffizi federal da traffic.
La viafier regiunala pertutgada scriva ch'els n'ajan mai cuntrafatg cun intenziun a leschas vertentas. Els han confermà ch'els hajan fatg sbagls ed hajan era acceptà las propostas da meglieraziun da l'uffizi.
RR novitads 12:00