Plattafurmas da streaming ed emetturs privats duain promover pli ferm producziuns da films e da serias svizras. Perquai ha il parlament decis en la sessiun d'atun ina taxa da 4% sin las entradas dals concerns per investir en producziuns indigenas. La Partida populara svizra giuvna, ils giuvens liberaldemocrats e verdliberals, teman ch'ils custs per abunaments da streaming, sco Netflix, pudessan crescher cun la nova taxa.
Las iniziantas ed ils iniziants dal referendum, disturba er che la revisiun da la lescha perscriva a las plattafurmas da streaming che 30% dals films e da las serias duain esser producziuns da l'Europa. Uschia vegnia prescrit a consumentas e consuments tge ch'i pon gaurdar, è in dals arguments. Las partidas giuvnas han ussa temp 100 dis da rimnar 50'000 suttascripziuns. E sche quai gartegia, decida il suveran a l'urna davart la Lex Netflix.
