Siglir tar il cuntegn

Header

cuntegn

Svizra «Betg fair»: Acziun cunter cugliunarias cun autos da diesel

Il VCS, il club da traffic ed ambient svizzer, pretenda ensemen cun l’organisaziun da consuments romanda frc e l’organisaziun medis e medias per la protecziun da l’ambient da la politica da stoppar finalmain las cugliunarias cun autos da diesel. Quai han communitgà las organisaziuns il mardi.

Las trais organisaziun han appellà in mardi a la populaziun svizra, da vegnir activa e scriver ina charta a Doris Leuthard, la ministra responsabla. La charta è ina charta da muster e po er vegnir suttascritta online. Ella duai funcziunar en il segn dad ina petiziun, communitgeschan las uniuns entretschadas.

«Di per di millis dad autos da diesel novs»

I vegnia numnadamain anc adina importà mintgadi millis d'autos da diesel novs che sajan da viadi cun valurs da svapur bler memia autas, argumenteschan las organisaziuns lur acziun.

Ils consuments vegnissan cugliunads e na possian strusch sa dustar cunter concerns gronds sco VW, cunquai ch'il sistem giuridic mettia fitg auts obstachels. Quai na saja betg fair, di la represchentanta da l’organisaziun da consuments.

RR novitads 12:00

Artitgels legids il pli savens