Blers alpinists svizzers n’èn betg fits avunda per lur turas. A questa conclusiun vegn in studi dal Post da consultaziun svizzer per la prevenziun d’accidents - BfU. Tenor il studi tschernan ils alpinists rutas memia pretensiusas, sco la la «SonntagsZeitung» rapporta.
Blers accidents sin rutas marcà alv-cotschen
En media dals davos 10 onns sajan 52 persunas mortas en la muntogna svizra. 26'500 sajan sa blessads, da quels 4'000 grevamain. Per gronda part èn quels accidents capitads sin sendas da viandar alpinas, vul dir sin las rutas ch'èn marcads alv-cotschen.
Blers n'èn betg conscients dals privels
Savida manglusa davart las rutas ed atgna survalitaziun sajan las raschuns principalas, daco ch’alpinists vegnian en privel. Il studi mussia vinavant che blers na sajan betg conscients davart ils privels en la muntogna. Dapli ch'in quart dad els era be «mediocher» u insumma «betg fit».
Il studi è vegnì fatg sur plirs onns, quai cun experts da l'entir mund. Fatg part dal studi han passa quatter milli persunas da la Svizra.
Ord l'archiv
Cu èsi forsa pli prudent d'ir sin in piz cun in guid da muntogna?