Siglir tar il cuntegn
cuntegn

Svizra Betg in sistem per tuts, ma mintgin sco el vul

Il Cussegl naziunal è suandà la proposta dal Cussegl dals chantuns: Ils chantuns han tut las libertads dad eleger sez co els vulan laschar eleger lur parlaments.

Ina urna d'elecziun en il parlament svizer.
Legenda: Betg ina lingia ma mintgin sco el vul – en Svizra dastgan ils chantuns decider sez da lur sistem electoral per lur parlaments. Keystone

La cumissiun dal Cussegl naziunal aveva anc decidì da stritgar la passascha or da l’artitgel – la passascha che di, ch'ils chantuns sajan libers da decider ils cirquits d'elecziun e las reglas spezialas per las elecziuns.

Cumissiun dal Cussegl naziunal: Ina vusch è ina vusch

La cumissiun era da l’avis ch'ils cirquits d'elecziun stoppian esser furmads uschia ch'els na cuntrafetschian betg al «principi da l’egualitad dal dretg da vuschar», vul dir che mintga vusch ha la medema valur.

Cussegl naziunal di percunter: Quai è chaussa dals chantuns

La maioritad dal Cussegl naziunal è dentant stada d'autra opiniun ed ha surpiglià il text dal Cussegl dals chantuns. Be cun quella formulaziun saja la suveranitad dals chantuns da decider en atgna reschia davart lur sistem d'elecziun garantida.

Il Tribunal federal na duai betg pli pudair crititgar la grondezza dals cirquits d'elecziun en tscherts chantuns.

RR novitads 17:00