La pandemia da corona ha laschà enavos era finanzialmain gronds fastizs en il sectur da sanadad. Mo 28% dals ospitals acuts han registrà l'onn 2020 in resultat positiv, l'onn precedent eran quai anc 60%. Quai mussa in studi da l'interpresa da cussegliaziun PwC.
Il donn finanzial per ils ospitals e las clinicas en svizra muntia l'onn passà a 1,3 fin 1,5 milliardas francs. Quai senza includer en il quint ils daners cun ils quals ils chantuns ha sustegnì ils ospitals pervia da la pandemia.
Cunzunt il scumond da far tschertas operaziuns betg urgentas durant l'emprim lockdown la primavaira 2020 haja influenzà ferm las svieutas dals ospitals. En il sectur staziunar sajan las svieutas sa reducidas per 4,2%, en il sectur ambulant per 0,5%.
Per il studi ha PwC dumandà 45 ospitals acuts e 13 clinicas psichiatricas.