La politica svizra stat suenter dus onns da la legislatura actuala avant in facit intermediar captivant. Grondas decisiuns sco l'introducziun d'ina 13avla renta da l'AVS e l'aboliziun da la taglia sin la valur da l'atgna locaziun han influenzà e marcà la cuntrada politica.
Dentant, tgi ha la pli gronda influenza? Tgi è la pli lavurusa, tgi il pli activ politicher da la delegaziun grischuna a Berna? In sguard sin ils acturs e las acturas sco ch'els tiran ils fils davos las culissas, mussa in maletg surprendent.
Sch'ins guarda sin il dumber da dumondas inoltradas, moziuns u interpellaziuns, resulta il suandant ranking suenter l'emprima mesadad da la legislatura: Martin Candinas, che na dominescha cun sias 24 intervenziuns betg mo las lingias grassas, mabain che influenzescha era l'agenda politica, maina la rangaziun.
La rangaziun
-
Bild 1 von 7. 1. Martin Candinas (Il Center): . Candinas maina il ranking ed è enconuschent per sia preschientscha en las medias e per ses engaschament en il sectur da traffic. Sia proposta per augmentar la vignetta d'autostrada mussa, ch'el è abel da manar discussiuns naziunalas. Bildquelle: Keystone.
-
Bild 2 von 7. 2. Anna Giacometti (Partida liberaldemocratica svizra): . Cun 13 dumondas è Giacometti s'etablida sco vusch ferma per l'ambient e per la politica da famiglia. Ses sustegn per l'imposiziun da taglia individuala mussa ses engaschament per la giustia sociala. Bildquelle: Keystone.
-
Bild 3 von 7. 3. Jon Pult (Partida socialdemocratica): . Cun 12 intervenziuns metta Pult clers accents en la politica sociala ed è in represchentant activ da la PS. Sia lavur tanscha da las regulaziuns en l'internet fin tar il sustegn per l'Ucraina. Bildquelle: Keystone.
-
Bild 4 von 7. 4. Stefan Engler (Il Center): . Engler è in veteran en il Cussegl dals chantuns ed è s'etablì sco defensur da las regiuns da muntogna. Sias tschintg intervenziuns dattan perditga da ses engaschament per dumondas regiunalas. Bildquelle: Keystone.
-
Bild 5 von 7. 5. Roman Hug (Partida populara svizra): . Sco noviz ha Hug gia preschentà trais intervenziuns. Ses engaschament en la politica da furmaziun mussa ch'el è s' integrà svelt en la politica federala. Bildquelle: Keystone.
-
Bild 6 von 7. 6. Martin Schmid (Partida liberaldemocratica svizra): . Schmid persvada tras sia lavur discreta, ma effectiva en il Cussegl dals chantuns. Cun focus sin la politica d'energia e da sanadad ha el fatg grondas allianzas che rinforzan ils interess regiunals. Bildquelle: Keystone.
-
Bild 7 von 7. 7. Magdalena Martullo-Blocher (Partida populara svizra): . Malgrà mo ina intervenziun è Martullo ina figura-clav en la PPS. Sia rolla sco vicepresidenta demussa sia gronda influenza sin palancà naziunal, cunzunt er en cas da decisiuns strategicas. Bildquelle: Keystone.
Magdalena Martullo-Blocher mussa percunter, che l'influenza n'è betg mo mesirabla tras il dumber da dumondas ed intervenziuns, mabain era tras la lavur strategica entaifer la partida.
Tge è Vossa opiniun?
Tgi da las tschintg cusseglieras ed ils cussegliers naziunals e dals dus cussegliers dals chantuns che sa participescha en dus onns puspè a las elecziuns, vegn as mussar il pli tard en dus onns.
Cler è gia ussa, ch'il Grischun sto alura renunziar ad in mandat en il Cussegl naziunal. Il futur vegnan a represchentar be pli 4 persunas il Grischun en la Chombra gronda.