L'administraziun federala n'haja mintgatant betg agì avunda prevesent en la segunda fasa da la pandemia. A quella conclusiun vegn il rapport da la Chanzlia federala ch'è vegnida incumbensada dal Cussegl federal d'examinar il management da crisa durant la pandemia. Las flaivlezzas sajan cunzunt sa mussadas l'atun 2020, cura che l'administraziun ed ils chantuns na sajan betg stads avunda preparads sin la segunda unda.
Agir meglier en ina proxima crisa
En il rapport èn vegndas fatgas 13 recumandaziuns ch'il Cussegl federal ha prendì per enconuschientscha ed incumbensà ils departaments e la Chanzlia federala da metter en pratica quellas. Il focus è sin l'organisaziun futura dal management da crisas tar l'Administraziun federala, la coordinaziun cun ils chantuns e la collavuraziun cun la scienza.