Siglir tar il cuntegn

Svizra Bilantscha positiva per urari da stad da la SBB

L’urari da stad da tren funcziuna era sche las sfidas dals plazzals restan, uschia l’emprim facit da las Viafiers federalas. Las lavurs cuntinueschan tenor plan.

Purtret d'in plazzal sin binaris.
Legenda: Las Viafiers federalas han var 30 plazzals sur stad. Keystone

Quai è l'emprim onn che las Viafiers federalas concentreschan las lavurs da mantegniment durant las vacanzas da stad. Finamira è ch'uschè paucs viagiaturs sco pussaivel èn pertutgads dals plazzals e quai durant in curt temp. Cun quest concept possian ins spargnar fin 40% dals custs.

Per il persunal da la SBB saja il nov urari dentant ina sfida. 70% dal persunal lavura tenor in auter plan e 95% dals trens vegnan duvrads auter che normalmain.

Durant las vacanzas da stad han las Viafiers federalas 30 plazzals. Pertutgada il pli ferm dals disturbis è la Svizra franzosa. En tut vegnan renovads 55 kilometers binaris. L'urari spezial vala anc fin ils 26 d'avust.

RR novitads 12:00