Siglir tar il cuntegn

Header

Navigaziun

Blers visitaders era per il concert da «Patent Ochsner».
Legenda: Grond success era per il concert da «Patent Ochsner». Keystone
cuntegn

Bilantscha positiva Success per Gurtenfestival e Basel Tattoo

Ils organisaturs dal Gurtenfestival èn cuntents cun il success dal 36avel festival a Gurten. Els pon guardar enavos sin in festival paschaivel. Ils concerts eran da gievgia fin sonda vendids ora.

Nus avain gì bun'aura e tar la sanitad è era tut stà ruassaivel.
Autur: Simon Haldemannpledader da medias

Cun 76'000 visitadras e visitaders han sumegliant bleras persunas visità a Berna il Gurtenfestival da quest onn. Quai è in zic damain che l'onn passà. Els han dentant gì dapli novas persunas sin il Gurten, vul dir ch'i ha dà dapli barat dals visitaders. L'onn 2018 eran anc 42'000 unique-users, quest onn dentant 52'000.

Basel Tattoo – Festival da la musica militara

Il Basel Tattoo 2019 ha carmalà en tut 72'000 persunas a las 11 represchentaziuns. Sonda saira è stada la dernière da la 14avla ediziun dal festival da la musica militara. L'interess dal public è stà en il rom dals davos onns. Tenor infurmaziun da medias da l'organisatur èn quai 85% da l'utilisaziun. Dapli che 1'000 persunas han ultra da quai visità sonda suentermezdi il di per ils uffants. E var 140'000 persunas han guardà la parada da sonda, ils 13 da fanadur.

Furmaziun militara.
Legenda: Var 1'000 participants han persvadì il public durant las 11 preschentaziuns. Keystone

RR novitads 06:00