Siglir tar il cuntegn

Header

video
Mo retratg stgars in terz da l'agid
Or da Tagesschau dals 08.07.2021.
laschar ir
cuntegn

Bilantscha suenter il shutdown Pajà mo 3 enstagl da 10 milliardas agid per cas da direzza

Anc il mars quintavan la Confederaziun ed ils chantuns, ch’ils manaschis serrads dovrian fin a 10 milliardas francs agid finanzial per cas da direzza. Fin uss han quels dentant retratg bler damain.

Da la summa da 10 milliardas francs ch’il parlament federal ha mess a disposiziun – han ins duvrà fin uss effectivamain be trais milliardas. Quai mussian cifras actualas da l'Administraziun federala da finanzas, sco la «Tagesschau» da SRF ha rapportà.

Ils pli blers daners hajan retratg manaschis da la gastronomia, numnadamain radund 1,1 milliardas francs. Suenter suondian la branscha da pernottaziuns, il commerzi en detagl ed ils biros da viadi.

Tut tenor chantun different sustegn

I dat dentant era critica envers l’agid per cas da direzza. La federaziun dals biros da viadi è irritada, che betg tut ils chantuns pajan tuttina bler. I dettia chantuns, che pajan damain ch’ils otg pertschient cussegliads da la Confederaziun.

Perquai ch'ils pajaments per cas da direzza giran anc, èsi da quintar che la summa totala crescha anc. Ils chantuns na quintan dentant betg da stuair pajar grondas summas il proxim temp. Cunzunt era perquai che l’economia svizra è sa revegnida svelt da la crisa.

RTR novitads 06:00

Artitgels legids il pli savens

Scrollar a sanestra Scrollar a dretga