Bilaterala cun UE perda sustegn dals Svizzers

La via bilaterala cun l’Uniun europeica perda sustegn tar la populaziun svizra. Quai mussa ina retschertga dal institut demoscopic gfs.berna.

Purtret da duas bandieras, ina da l'UE ed ina Svizra. Bild in Lightbox öffnen.

Legenda da maletgs: Ils Svizzers sustegnan adina pli pauc ils contracts bilaterals cun l'UE. Reuters

Be anc 60% da la populaziun sustegnessan anc ils contracts bilaterals cun l'Uniun Europeica. Avant in onn èn quai anc stads 81%. Tar questa conclusiun è ina retschertga da l'Institut demoscopig, gfs.berna vengida.

28% vulessan disdir ils contracts bilaterals, l'onn avant èn quai anc stà 19%. Da far part a l'UE sustegnissan anc 21% dals dumandads. Avant in onn èn quai anc stà radund 10%.

Ina pitschna maioritad dessi per entrar en il Spazi economic europeic (EWR). 51% avessan ditg gea. Avant in onn fissan quai anc stà radund 50%.

En general sa sentian be radund 11% dals dumandads sco sch'i appartegnessan a l'UE. «Ins ha il sentiment che la via autonoma, neutrala saja la via da success per la Svizra. E che l'UE, sco quai ch'ella sa preschenta actualmain, na saja nagina schliaziun per la Svizra», uschia Lukas Golder, co-manader da gfs.berna a la «Tagesschau» dad SRF.

RR novitads 06:00