Siglir tar il cuntegn

Header

cuntegn

Billantscha cassas da pensiun Reservas èn sa reducidas – saja dentant nagina raschun per panica

Anc avant in onn han las cassas da pensiun gì reservas dad en media 20%, en cifras absolutas èn quai 145 milliardas francs. Quest onn èn quellas dentant puspè svanidas. Quai saja dentant nagina raschun per panica.

Il nausch onn a las bursas ha consequenzas negativas sin las cassas da pensiun. La BVK, la pli gronda cassa da pensiun da la Svizra, serra l’onn da fatschenta cun ina rendita da minus 10%. Uschia sa chatta ella en media da las renditas da las cassas da pensiun. Pervi da questa rendita negativa saja ina gronda part da las reservas svanidas.

Quai na saja dentant betg ina raschun da far panica, ha ditg il schef da la BVK, Thomas Schönbächler. La cassa da pensiun haja radund 35% aczias en ses portfolio. Cun schlets onns da bursa saja perquai er da quintar. Ch'i dat era onns pli mals saja normal e tutgia tar la fatschenta.

RTR novitads 10:00

Artitgels legids il pli savens

Scrollar a sanestra Scrollar a dretga