Siglir tar il cuntegn

Header

cuntegn

Svizra Binaris schelads e lingias electricas interruttas

La Viafiers federalas svizras han gì da cumbatter cun divers incaps durant ils dis da fradaglia.

Passa 200 disturbis han las Viafiers federalas svizras SBB gì davent da la mesemna da mesanotg enfin da mezdi. Temperaturas enturn -20 grads sajan stadas memia bler per material ed infrastructura. L'aria fraida ed il glatsch hajan chaschunà divers problems, scrivan las SBB en ina communicaziun.

La mesadad da quests disturbis van sin il conto da cumposiziuns da tren. Ultra da quai han las viafiers er gì da cumbatter cun binaris e sviaders schelads sco er cun lingias electricas interruttas. Surtut il traffic da pendularis da la damaun saja stà pertutgà – e quai en tut la Svizra.

Tar la Viafier retica n'haja dà nagins disturbis relevants pervi da las fradaglias. Quai ha confermà la pledadra da la Viafier retica, Yvonne Dünser envers RTR.

RR novitads 17:00

Artitgels legids il pli savens