Bio pudess alimentar l'entir mund

Agricultura biologica pudessia teoreticamain nutrir l'entira populaziun dal mund. Quai mussa in studi da l'institut da perscrutaziun per agricultura biologica. Per pudair realisar quai dovria dentant in auter cumportament da consum.

ravas en in iert Bild in Lightbox öffnen.

Legenda da maletgs: I fiss da cultivar per exempel bler dapli verdura per alimentar la populaziun mundiala. Keystone

Ina premissa per in sistem d'alimentaziun persistent è che las vanzadiras da victualias vegnan reducidas per la mesadad, e sin las surfatschas da cultivaziun na dastg'ins betg producir maglias per la biestga. Consequentamain stuess ins reducir il consum da products d'animals per dus terzs. Omaduas chaussas èn per ils auturs dal studi realisticas. Vi da l'exempel dal Danemarc hajan ins vesì ch'i saja pussaivel da reducir las vanzadiras en 25 onns per in quart.

Ils auturs concedan dentant ch'in tal sistem d'alimentaziun persistent duvrassia sforzs enorms, tant da la politica sco era da la societad.

RR novitads 21:00