Siglir tar il cuntegn

Header

cuntegn

Bio Suisse Finì cun mazzar pulschains masculins

Tar Bio Suisse na duain a partir dal 2026 nagins pulschains masculins pli vegnir mazzads. Quai ha la radunanza da delegadas e delegads da l'agricultura biologica decis. Perquai che pulschains masculins na creschan betg avunda spert e n'èn uschia betg adattads per la producziun da pulaster e na mettan er nagins ovs vegnan quels savens mazzads immediat suenter ch'els vegnan ord la crosa. Sper quai duai er la tecnologia da distinguer gia en l'ov la schlatta d'in pulschain vegnir scumandada. A partir dal 2026 duain ils pulschains masculins vegnir cuads ora.

Bio Suisse è l'uniun tetgala dad en tut 32 organisaziun d'agricultura biologica. Tenor atgnas indicaziuns fan 7'300 manaschis purils da bio da la Svizra e dal Principadi dal Liechtenstein part da l'uniun.

Ord l'archiv

video
Da l'ov al pulschain
Or da Minisguard Plus dals 02.04.2015.
abspielen. Laufzeit 2 minutas 31 Sekunden.

RTR novitads 18:00

Artitgels legids il pli savens

Scrollar a sanestra Scrollar a dretga