L'organ strategic da la Biosfera Val Müstair ha ina nova presidenta: Judith Fasser è vegnida elegida a la sesida da cumissiun dals 21 da zercladur per quest uffizi. Fasser è sco manadra dal Center da sandà Val Müstair commembra da la cumissiun. Livio Conrad, ch'ha presidià enfin uss la cumissiun, è sa retratg ord motivs professiunals. Sco manader da l'uffizi forestal resta el dentant commember da la cumissiun.
Gia il matg avevi dà ina midada en la cumissiun: Ord motivs da temp era Pierre René Grond, hotelier da Müstair, sortì da la cumissiun. Per el era vegnì elegì Daniel Pitsch, pur da Tschierv.
RR novitads 11:00