Siglir tar il cuntegn

Svizra Blatter avess mustgas da restar president da la Fifa

Il president actual da la Fifa, Sepp Blatter, na vul tuttina betg bandunar ses post.

Sepp Blatter e Walter de Gregorio da la Fifa.
Legenda: Sepp Blatter para puspè d’avair gust da ses uffizi, il pledader da la Fifa Walter de Gregorio ch’è sa retratgs avant paucs dis damain. Keystone

Associaziuns da ballape da l'Asia e da l'Africa veglian evitar ch'el sa retiria anticipadamain sco annunzià, scriva la “Schweiz am Sonntag”. E Blatter sa sentia onurà e n'excludia betg da restar en uffizi, citescha la gasetta funtaunas datiers dal president da la Fifa.

Sepp Blatter era vegnì reelegì avant 2 emnas. Paucs dis pli tard aveva el dentant annunzià da vulair sa retrair. Manà a las turbulenzas tar la Fifa aveva il scandal pervi da corrupziun.

RR Novitads 06:00