Ils preschents vegnian a conceder che quai sajan temps difficils e maiudids per la Fifa, ha il president da la Fifa Sepp Blatter ditg als represchentants da las 209 federaziuns associadas. Il scandal cun l’arrest da 7 funcziunaris a Turitg è per Blatter in problem individual.
La reelecziun da Sepp Blatter
Il venderdi sa metta Sepp Blatter a disposiziun per in 5avla perioda d’uffizi sco president da la Fifa. Ils adversaris da Blatter na boicotteschan betg il congress e l’elecziun dal president, sco ponderà l’emprim. Els vulan dentant sustegnair il cuntracandidat prinzi Ali bin al-Hussein.
Ina vusch che defenda Sepp Blatter
Per la confederaziun fa part cusseglier federal Ueli Maurer al congress. Sco Maurer ha ditg, saja uss temp per grondas refurmas tar la FIFA. El ha dentant era defendì Blatter, ins na duaja betg dar tut la culpa ad el.
RR Novitads 17:00