Siglir tar il cuntegn
cuntegn

Svizra Blatter na banduna betg pli la Svizra il proxim temp

Sepp Blatter, anc president da la FIFA, na vul betg bandunar la Svizra il proxim temp. La FIFA ha conferma rapports da medias. Uschia vegn Blatter betg a visitar l’avertura dals campiunadis mundials da ballape da las dunnas en il Canada, conferma la FIFA in rapport da radio SRF.

Joseph Blatter vi da smaccar cun ses maun l'egl.
Legenda: Joseph Blatter resta en Svizra il proxim temp. Keystone

Ina raschun pussibla che Joseph Blatter na banduna betg pli la Svizra, è la tema da vegnir arrestà en in’auter pajais e da lura vegnir surdà als Stadis Unids da l'America. Tenor rapports da medias betg confermads, investighescha il FBI era cunter Joseph Blatter.

En las investigaziun da corrupziun en Svizra ed en ils Stadis Unids vai per il suspect che durant la surdada da campiunadis mundials sajan vegnids pajads daners da corrupziun.

RR novitads 14:00