Legenda:
La Procura publica ha avert ina procedura penala cunter il president da la FIFA, Joseph Blatter.
Keystone
cuntegn
Svizra - Blatter na vul betg sa retrair
Sepp Blatter vul restar president da la FIFA malgrà la procedura penala cunter el vul. Tenor ses advocats ha el ditg quai oz a ses collavuraturs. El haja era ditg ch'el veglia cooperar cun las autoritads e ch'el n'haja betg fatg insatge d'inadequat ubain d'illegal.
En il scandal da corrupziun era Blatter vegnì interrogà dad investigaders svizzers venderdi passà. La Procura publica ha avert ina procedura penala pervi dal suspect da gestiun nunfidaivla e defraudaziun. En pli ha para era la cumissiun d'etica dal FIFA avià in'investigaziun.
