Siglir tar il cuntegn

Header

cuntegn

Svizra Bler dapli morsas da zeccas

Grond augment da cas d'encephalitis entras raischens en Svizra. Quai annunzia l'Uffizi federal da sanadad BAG. Dapi l'entschatta da l'onn èn gia 150 persunas vegnidas infectadas cun il virus privlus.

Sulet dapi il zercladur èn 73 persunas s'infectadas cun FSME (Frühsommer-Meningoenzephalitis), quai resulta da las cifras da l'uffizi federal.

Ils davos 18 onns aveva il BAG registrà durant la medema perioda mintgamai tranter 49 e 109 cas d'infecziuns entras raischens.

BAG cusseglia vaccinaziun

La stagiun da zeccas cumenza tut tenor l'aura il mars e finescha il zercladur. Sulet ina pitschna part da las zeccas porta il virus privlus da FSME. Persunas pertutgadas survegnan en in'emprim stausch (7 – 14 dis suenter la morsa) simtoms sumegliantas ad ina grippa sco mal il chau, fevra, stancladad u mal las giugadiras. En 5-15% dals cas survegnan las persunas infectadas in segund stausch che po durar intgins mais ed ha simtoms d'ina inflammaziun dal tscharvè u ina meningitis (Hirnhautentzündung). Il BAG recumonda da sa laschar vaccinar cunter il virus FSME.

Bler dapli zeccas portan dentant la bacteria Borrelia burgdorferi. Cunter lezza na datti nagina vaccinaziun. In'infecziun sto vegnir tractada cun antibiotica.

RR novitads 14:00

Artitgels legids il pli savens