En Svizra van adina dapli mammas a lavurar. Tenor l'Uffizi federal da statistica (BfS) han l'onn 2021 passa 80% da las mammas lavurà per paja. Fitg bleras dad ellas lavuran parzialmain.
- 78,1% da las mammas cun activitad da gudogn han lavurà en il 2021 parzialmain
- Da quellas avevan 44,7% pensums tranter 50% ed 89%. Circa in terz avevan pensums sut 50%.
Tals babs guardi ora auter, 96,9% èn ids a lavur il 2021:
- Be 10,3% lavuran parzialmain suenter la naschientscha da lur uffants.
- Babs svizzers lavuran dapli parzialmain che babs dad auters pajais en Svizra. Cun 18% è la quota tar babs svizzers prest 3 giadas uschè auta sco tar ils babs da l'ester (6,2%), suenter l'emprim uffant.
Gronds midaments dapi il 1991
Durant il ultims 30 onns èn adina dapli dunnas idas a lavurar. 1991 gievan be var 60% da las mammas a lavura, 2021 eran quai cun var 82% 20 puncts da pertschient dapli. Tar il babs è il midament dentant betg grond.
Betg be il dumber da mammas en il martgà da lavur è creschì en ils davos 30 onns mo er la quantitad ch'ellas lavuran.
- 1991 avevan be 25,7% da las mammas pensums parzials sur 50%
- 2021 eran quai 44,7%, quai e bunamain ina duplicaziun
Mammas en Svizra lavuran en media dapli en congual cun auters pajais europeics. Tar mammas d'uffants sut 6 onns e la quota da gudogn da lavur 8% pli auta che la media europeica.