Il principal curt e cumpact
- Cunzunt la mesemna gronda quantitad da plievgia en il nord da las Alps.
- Cunfin da naiv è sur 2000 meters.
- Auals e flums pitschens pon manar aua gronda.
- Stemprads en la muntogna fin gievgia.
- Privel da lavinas augmentà, en pliras parts dal Grischun regia en il mument in grond privel, stgalim 4 da 5.
Situaziun meteorologica
Fin gievgia sbuffa in vent umid or dal vest. Oravant tut la mesemna vegni fitg umid al pe dal nord da las Alps – quai tras ina front d'aria chauda e pli tard tras in ferm vent en l'autezza dal nordvest.
Consequenzas
Al pe dal nord da las Alps datti fin gievgia 50 fin 90 milimeters plievgia. Cunzunt la mesemna plovi per part permanent ed intensiv. Il cunfin da naiv e l'emprim anc tranter 1'200 e 1'800 meters, crescha lura dentant sin 2'000 fin 2'400 meters. En l'ost crescha quel pir la saira sur 2'000 meters. Uschia datti sper la blera plievgia er anc ina gronda part aua da naiv che lieua.
Privel da lavinas
Sisum la Surselva, sco er en il Partenz e la Val Müstair regia il mument in grond privel da lavinas – stgalim 4 da 5. Surtut per la regiun da Mustér e Sedrun avertescha l'institut da naiv e lavinas a Tavau da lavinas bletschas che pudessan ir a val pervia da la blera plievgia e las temperaturas miaivlas. En il rest dal chantun regia il mument in privel da lavinas considerabel, stgalim 3.
