Siglir tar il cuntegn

Header

cuntegn

Svizra Bleras mammas tezzan sco cusseglià

Dus terzs da las mammas en Svizra tezzan lur uffants suenter la naschientscha durant 3 fin 4 mais senza dar supplementarmain aua, té u autras agiuntas. Quai resulta dal pli nov studi davart il nutriment da pops e la sanadad en l'emprim onn da vita.

Sco quai che l'Uffizi federal per la segirtad da victualias communitgescha, mussa il studi era ch'i dat dapli dunnas che tezzan. Quest dumber è s'augmentà per 10% cumpareglià cun l'ultim studi dal 2003. Era pops da 5 e 6 mais vegnan tezzà pli savens che avant 10 onns.

Tratgas dultschas memia baud

Mintga segund pop survegnia bavrondas e tratgas dultschas durant l’emprim onn, quai malgrà che quai vegn recumandà per davent dad in onn.

In quart da las mammas ha inditgà da chalar da tezzar perquai ch’ellas sajan spussà e na possian betg pli.

RR novitads 14:00

Artitgels legids il pli savens