Siglir tar il cuntegn

Header

video
Discurs cun l'epidemiolog Christian Althaus
Or da 10 vor 10 dals 03.07.2020.
laschar ir. Durada: 5 minutas 37 Secundas.
cuntegn

Bleras novas infecziuns Experts èn preoccupads pervia dal ferm augment

La task force da corona da la Confederaziun è ordvart inquietada davart il ferm augment da las infecziuns dal virus en Svizra. Il dumber creschia cun ina spertadad alarmanta. Perquai appellescha ella a la populaziun, organisaziuns ed autoritads. La Task Force recumonda urgentamain da guntgir situaziuns cun in aut ristg da transferiment. Quai sajan en spezial inscunters endadens, nua ch'ins na possia betg tegnair la distanza e nua ch'i na vegnia betg purtà mascrinas. Exempels sajan clubs, discos e bars.

En Svizra ed il Principadi da Liechtenstein ha l'Uffizi federal da sanadad annunzià venderdi 134 novas infecziuns dal coronavirus entaifer in di.

Nagin indizi per segunda unda

En blers pajais crescha il dumber da novas infecziuns dal coronavirus puspè. Tenor l’Organisaziun mundiala da la sanadad WHO na saja quai però betg in indizi d’ina segunda unda. I sa tractia plitost dad in segund punct culminant da l’emprima unda, quai ha ditg il coordinatur da l’agid d’urgenza da la WHO, Michael Ryan, a Genevra. I saja fitg impurtant da vinavant sa tegnair vid las reglas da cumportament e d’igiena per far frunt al virus.

RTR novitads 06:00

Artitgels legids il pli savens