La fin d'emna hai dà en bleras parts da la Svizra temperaturas da primavaira. Il pli chaud èsi stà a Genevra, dumengia suentermezdi ha il termometer mussà la 19,9 grads, sco SRF Meteo ha scriva. Era fitg chaud eri en il Vallais. La staziun da Montagnier-Bagnes sin bun 800 meters sur mar ha il termometer mesirà 18,2 grads. Ed era en il Tessin hai dà temperaturas fitg autas. Grazia il favugn è a Piotta vegnì mesirà 17,2 grads. En la Svizra Orientala n'èri betg uschè chaud. Là han nivels impedì temperaturas da record. Igl era dentant era enturn 16 grads.
Previsiun da l'aura
L'entschatta da l'emna fai vinavant aura da primavaira. Glindesdi en damaun datti anc local in zichel plievgia, lura splendura puspè dapertut il sulegl. Sco i vesa ora, vegni anc in zichel pli miaivel. Mardi mida l'aura lura dentant, ins sto quintar cun ina front d'aria fraida. E mesemna vegn l'enviern puspè. I po dar naiv fin en la Bassa.
Ord l'archiv
RTR novitads 17:00