Tar ils 13,8% dals pievels ch'èn daventads unfrendas l'enviern, vegnan anc ina giada vitiers 9,4% dals pievels ch'èn stads memia flaivels la primavaira e n'han betg pudì pigliar vair lur pensum dad impollinar e producir mel.
Il dumber dals pievels che moran variescha dad onn tar onn e dependa da differents facturs. Raschun principala per la muria d'avieuls durant l'enviern è che la concentraziun dal chariel da varroa (Varroamilbe) è memia auta, u problems cun la regina. L'onn passà eran ids a perder passa 20% dals pievels.
Pievels giuvens vegnan da gulivar perdita
Entras furmar pievels giuvens possian ils apiculturs e las apiculturas dentant puspè gulivar las perditas durant la stagiun d'avieuls, hai gì num vinavant. Uschia possia vegnir garantì ch'i haja avunda avieuls per impollinar plantas e per producir mel.
Dapi passa 10 onns fan ils apiculturs svizzers retschertgas per eruir, pertge ch'ils avieuls moran. Quest onn èn 1'155 apiculturs da l'entira Svizra e dal Principadi da Liechtenstein sa participads.
RR novitads 10:00
