Siglir tar il cuntegn

Header

purtret d'ina planta
Legenda: La darsvenna da Mantegazzi (tud.: Riesen-Bärenklau, lat.:Heracleum mantegazzianum). info Flora, Sibyl Rometsch
cuntegn

Svizra Blers perdiders, paucs gudagnaders

725 da las spezias da plantas indigenas valan sco periclitadas ed èn sin la glista cotschna actualisada. Lur areal da viver u lur dumber è sa sminuì fermamain. 55 spezias èn gia extirpadas u sparidas en la Svizra. Tar 10% da las spezias indigenas è la situaziun sa pigiurada, quai scriva Info Flora.

Ils davos 15 fin 30 onns sajan la derasaziun u il dumber da quellas sa reducids fermamain, scriva la fundaziun Info Flora, ch'actualisescha questa glista.
Da l'aura vart hajan mo paucas spezias da plantas indigenas, che valivan il 2002 sco periclitadas, pudì sa stabilisar u perfin puspè sa derasar pli fitg scriva Info Flora.

Examinà 2'613 spezias

Per la glista cotschna èn vegnidas examinadas passa 2'600 spezias. Per la pli gronda part da questas plantas eran avant maun avunda infurmaziun per pudair determinar il stan da lur periclitaziun. En tut cumpeglia la banca da datas naziunala (che vegn actualisada incuntin) bunamain 5 milliuns indicaziuns da chattada. Per radund 800 spezias han stuì vegnir fatg examinaziuns en la natira.

Grond basegn d'agir

Il motiv per la nauscha situaziun da la flora svizra èn la perdita dal spazi da viver e la sminuziun da la qualitad ecologica dals spazis da viver restants.

RR novitads 12:00

cdm/hs

Artitgels legì il pli savens

Nach links scrollen Nach rechts scrollen