Blers van cun il «Nas cotschen»

Il december han ils voluntaris da «Nez Rouge» manà a chasa prest 18'500 persunas. En tut han passa 5'700 voluntaris fatg bun 9'500 viadis. Il servetsch na datti però betg dapertut.

In dals voluntaris en acziun per «Nez Rouge». El porta ina giacca cotschna. Bild in Lightbox öffnen.

Legenda da maletgs: In dals voluntaris en acziun per «Nez Rouge» Keystone

Quasi en tut la Svizra mainan ils voluntaris da «Nez Rouge» persunas che na sa sentan betg pli ablas da manischar – u pervi dal consum d'alcohol, u pervi da stancladad – a chasa. Quai oravant tut en l'Argovia, Luzerna ed il Giura nua ch'il servetsch haja il pli grond success.

Nagins nas cotschens en l'Engiadina

Betg nizzegiar il servetsch pon ins a Basilea, a Schaffhausen, en il Vallais Sura ed en l'Engiadina. En las autras regiuns dettia quai il servetsch, uschia l'agentura da novitads SDA.

Ils pli blers ils 16 e 17 da december

Ils pli blers viadis dals nas cotschens sajan vegnids fatgs ils 16 ed ils 17 da december: 2'583 giadas saja il servetsch stà en acziun quels dus dis. In interess sumegliant haja quai dà venderdi ils 23 da december cun 1'264 viadis.