Siglir tar il cuntegn

Svizra Blers vulan ir en il corp da la guardia da cunfin en Svizra

Il corp da la guardia da cunfin en Svizra daventa adina pli popular. Adina dapli umens e dunnas giuvnas vulan lavurar al cunfin.

In um da la guardia da cunfin.
Legenda: Bleras dunnas e blers umens vesan in futur en la guardia da cunfin. Keystone

Anc avant paucs onns aveva il corp fadia da chattar glieud adattada. Uschia s’annunzian il mument prest otg giadas dapli persunas che plazzas da furmaziun. Quest onn hajan ins gia survegn`1’500 annunzias per las 200 plazzas da lavur libras, quai ha il schef da la guardia da cunfin Jürg Noth ditg a SRF. Era la qualitad da las persunas che vulan ir tar la guardia da cunfin è en general fitg auta, ha ditg Noth. Deplorablamain stoppian ins a blers dar ina resposta negativa

Augmenta la paja

La raschun per quest svilup è tranter auter tenor Notg tranter in augment da paja. Era las cumpetenzas ed ils pensums tranter la guardia cunfin e la polizia sajan vegnids repartids da nov.

Il mument vegn anc discutà sche la guardia da cunfin duai survegnir dapli persunal, la Svizra dumbra radund 2’000 guardias da cunfin.

RR novitads 07:00