Svizra - Blocher avertescha da la privaziun da la pussanza
L'elita haja emblidà che betg ella mabain la maioritad da las votantas e dals votants haja il comando. Quai ha ditg Christoph Blocher a la dieta tradiziunala dal Albisgüetli. Anc mai saja la constituziun vegnida violada uschè garmadi sco l'onn passà ha ditg l'anteriur cusseglier federal da la PPS.
Il burgais vegnia privà da la pussanza, uschia Blocher. Il schefstrateg da la partida ha ditg ch'i saja inquietant, ch'ils cussegliers federals s'inscuntrian en spezial cun ils dignitaris exteriurs enstagl da s'occupar da l'agen pievel.
En ses pled ha el ludà la constituziun federala. Lezza saja la valur solida e constanta da la Confederaziun. Grazia a la furma da stadi speziala giaja cun la Svizra main mal ch'en auters pajais, ha ditg Blocher avant 1'200 giasts.
