Siglir tar il cuntegn

Header

Purtret d'in tren da la BLS.
Legenda: Ina mesira da spargn è da stritgar radund 170 plazzas. Keystone
cuntegn

Svizra BLS vul stritgar radund 170 plazzas

La viafier BLS, Bern-Lötschberg-Simplon, vul stritgar radund 170 plazzas fin il 2023. Quai ha communitgà l’interpresa. I na duaja però betg dar dapli che 45 visadas. Il rest duaja succeder tras pensiunaments e fluctuaziuns natiralas. Er na duajan plazzas libras betg vegnir occupadas.

Cunzunt pertutgads da la restructuraziun sajan funcziuns da support e da management. Per ils pertutgads dettia in plan social, elavura communablamain cun ils sindicats.

Il november passà aveva la BLS annunzia da sbassar ses custs ad onn per tranter 50 fin 60 milliuns francs fin il 2023. Plinavant avevan els annunzià in pachet da mesiras per pudair restar abel da concurrenzar. Autras mesiras che da stritgar plazzas èn per exempel investiziuns en sistems dad IT per automatisar tscherts process da fatschenta.

RR novitads 11:00