Siglir tar il cuntegn

Svizra BNS fa 6,7 milliardas perdita en segund quartal

En il segund quartal ha la Banca naziunala svizra fatg ina perdita da 6,7 milliardas francs. Quai pervi da perditas sin las valutas dal Dollar. Malgrà quest schlet resultat sa resultan suenter sis mais 1,2 milliardas gudogn per la Banca. Quai grazia al bun emprim quartal da quest onn.

Purtret dal logo da la banca.
Legenda: La Banca naziunala svizra ha fatg ina perdita da 6,7 milliardas en il segund quartal. Keystone

La perdita pervi da valutas estras davent dal schaner enfin la fin zercladur fan ora 11,8 milliardas francs. Il gudogn sin l'euro n'ha dentant betg pudì cumpensar la perdita, spezialmain quella sin il dollar, uschia la Banca naziunala svizra.

La valuta americana ha pers sia valita tranter schaner enfin il zercladur per 6,4%. En il medem temp ha l'euro pudì crescher per 2,3%.

Radund 40% da las reservas da devisas ha la banca en euros. Radund in terz tar il dollar. Pli pitschnas posiziuns ha la banca er en glivras britannicas ed en yens giapunais sco era il dollar canadais.

RR novitads 08:00