Malgrà ina stad cun aura plitost frestga e bletscha èn las 24 plazzas da campar dal Touring Club Svizra (TCS) stadas occupadas uschè bain sco anc mai. En tut han ellas nudà radund 940'000 pernottaziuns tochen la fin settember. Quai è 30% dapli pernottaziun ch'il 2020. E cumpareglià cun l'onn avant corona èsi schizunt 50% dapli.
audio
Per tadlar curt e cumpact
ord Novitads dals 20.10.2021.
laschar ir. Durada: 1 minuta.
Spezialmain popularas sajan las uschenumnadas purschidas da «glamping» stadas. Quai è variantas da campar pli luxuriusas sco per exempel era sin l'Alp Nagens sur Laax. Las tendas da pop-up sajan stadas fitg dumandadas ed han giu en tut varga 1'700 pernottaziuns. Tochen la fin da l'onn quinta il TCS da surpassar la marca d'in milliun pernottaziuns.
Ord l'archiv
audio
Luxus sin 1600 meters sur mar
ord Il chavazzin dal di dals 05.07.2019.
Maletg: CDM
laschar ir. Durada: 5 minutas 21 Secundas.