La svieuta dal shop online da Coop, Coop@home è s’augmentada per passa 7% sin 129 milliuns francs l’onn passà. Ina pledadra dal detaglist ha confermà in rapport da la gasetta «Blick».
Er Le Shop crescha vinavant
Il di avant ha la Migros publitgà las svieutas da «Le Shop». Il supermartgà virtual è creschì per 3,5% sin 182 milliuns francs. Omadus detaglists profiteschan dal trend da far cumissiuns online.
Tenor «Le Shop» vegnan ils uschenumnads «digital natives» esser la pli gronda part da la populaziun en Svizra. «Digital natives» è la generaziun ch’è creschida si cun il mund digitalisà.
RR novitads 12:00
