Siglir tar il cuntegn

Header

Pachet en filiala da la Posta
Legenda: Keystone
cuntegn

Boom da pachets La Posta fa dapli svieuta grazia a la pandemia

La pandemia da corona ha er gì grondas influenzas per la Posta. Pervia dal boom da pachets è la svieuta sin il martgà da posta creschida per 3% sin 4,2 milliardas francs.

Talmain è la svieuta gia dapi onns betg pli creschida. Igl è dentant stà in onn ambivalent. Pervia dal homeoffice èsi vegnì tramess damain brevs, gasettas e magazins. Uschia èn las spediziuns sa reducidas per 4,5% sin 3,1 milliardas, hai num en il rapport annual da la cumissiun da posta federala.

Record tar ils pachets, nivel bass tar las brevs

Durant ch'igl ha dà tar ils pachets in nov record, han las brevs respectivamain il martgà da brevs cuntanschì in nov nivel bass. La cumpart dal martgà da brevs è sa reducida sin 37%. Avant tschintg onns era quel anc sur 50%.

Plinavant sajan bleras spartas da la Posta stadas suttamessas a grondas restricziuns. Per exempel: pervia da las reglas da distanza n'ha la Posta betg simplamain pudì dumagnar la fulla da pachets cun dapli persunal.

Suspensiun parziala da la lescha da posta

Avrir la boxSerrar la box

La Posta sto ademplir tenor la lescha da posta differentas cundiziuns. Per exempel pertutgant il temp da spediziun. Durant la situaziun extraordinaria ha l'Uffizi federal da communicaziun lubì a la Posta da differir da la lescha. Durant quest temp n'èn las cundiziuns betg vegnidas controlladas. En general ha la Posta dentant ademplì las cundiziuns per il 2020.

RTR Novitads 11:00

Artitgels legids il pli savens

Scrollar a sanestra Scrollar a dretga