Siglir tar il cuntegn

Header

cuntegn

Boom da poppas e pops Uschè bleras naschientschas sco dapi 50 onns betg pli

En Svizra èn naschids l'onn passà 89'400 uffants. Uschè bleras naschientschas hai dà la davosa giada avant 50 onns. Quai mussa la statistica provisorica da la populaziun. Fatg ils pops han Svizras e Svizzers surtut tranter avrigl e fanadur 2020 e tranter november 2020 e mars 2021. Eventualmain haja la pandemia da Covid-19 influenzà indirectamain las naschientschas, hai num da l'Uffizi federal da statistica.

Plinavant abitan dapli persunas en Svizra: La populaziun è s'augmentada per 0,8% sin bun 8,7 milliuns. Era l'aspectativa da vita è creschida sin 81,7 onns cumpareglià cun 81,1 onns 2020.

Pli paucs mortoris che 2020

L'onn 2021 èn 71'100 persunas mortas. Quai èn 5'100 persunas pli paucas che l'emprim onn da corona 2020. Tuttina hai era là dà dapli mortoris che l'onn 2019 avant la pandemia da corona.

Ord l'archiv

En il Grischun n'han betg dà dapli uffants durant il lockdown.

audio
Datti dapli pops pervia dal lockdown?
ord Actualitad dals 05.03.2021.
laschar ir. Durada: 3 minutas 22 Secundas.

RTR novitads 12:00

Artitgels legids il pli savens