Siglir tar il cuntegn

Svizra Boom da scolars en Svizra

Fin il 2027 quinta la Confederaziun cun marcantamain dapli scolars e scolaras en scolinas, scola primara e stgalim superiur. Raschun principala è ch'igl ha dà dapli naschientschas dapi il 2004.

Scolars.
Legenda: Il dumber da scolar vegnia a crescher en Svizra fermamain fin il 2027. Keystone

Il glindesdi ha l'Uffizi federal da statistica publitgà il scenari per il sistem da scola per ils onns 2018 fin 2027. Per la scolina spetgan ils statisichers in augment da scolars e scolaras per 12% sin 191'900. Per la scola primara prognostitgeschan els in augment da 14% sin total 557'600. Fin il 2013 era anc vegnida registrada ina diminuziun da scolars sin quest stgalim.

Il pli grond augment da scolars vegni tenor uffizi da statistica però a dar sin il stgalim superiur. Suenter in punct bass il 2016 spetgan ils statistichers fin il 2027 in augment da 15% sin 274'600 scolars e scolaras.

Las cifras èn dentant da vesair sco valurs medias per l'entira Svizra. En ils chantuns e las regiuns pon ils augments variar fermamain.

RR novitads 18:00