Siglir tar il cuntegn

Header

cuntegn

Boom solar 10% da l'energia vegn ad esser solara il 2024

En Svizra para l'energia solara da crescher pli e pli fitg – dapi tschintg onns. Sche quai cuntinueschia, lura possian tut questas ovras producir gia l'auter onn fin a 10% da l'energia che la Svizra dovra en in onn.

La fin da l'onn 2023 vegnian ovras solaras a producir 6'200 uras megawatt tenor las statisticas da l'organisaziun da la branscha Swissolar. Da quai èn 1'500 megawatt vegnidas installadas il 2023. Quai che correspunda ad ina creschientscha dal martgà da 40% cumpareglià cun l'onn avant.

Uschia cuntanschian ins gia l'auter onn la finamira da 10% electricitad solara che la Svizra dovra en in onn. Questa finamira aveva Swissolar il 2011 prendì oriundamain per il 2025.

Per l’onn 2024 quinta Swissolar cun in ulteriur augment dal martgà d’almain 10%. Uschia sajan ins sin in bun curs da cuntanscher la finamira da la Confederaziun fin il 2035.

Wallisellen
Legenda: Ovra solara a Walllisellen l'october 2022 Keystone

Swissolar fa quellas indicaziuns sin basa d'annunzias tar il post da promoziun Pronovo e retschertgas en il martgà. Ella suppona che la creschientscha giascha per l'ina vi dal pretsch d'energia, per l'autra vi da la mobilitad electrica e las pumpas da chalur. Tranter auter sajan er ovras solaras pitschnas e grondas fitg dumandadas.

RTR novitads 14:00

Artitgels legids il pli savens