Il concern da construcziun Implenia ha scrit l’onn passà cifras cotschnas: La svieuta saja sa reducida per 10% sin stgars 4 milliardas francs. Sut il stritg resulta in minus da 132 milliuns francs. Quai suenter in gudogn da 187 milliuns francs il 2019, sco Implenia ha communitgà. D’attribuir saja il resultat surtut a la pandemia ed a rectificaziuns da la valur. En vista a las cifras cotschnas desista Implenia quest onn d'ina dividenda.
Las prognosas per l’onn current èn optimisticas. Il concern da construcziun quinta da puspè far in gudogn. L'interpresa haja in dumber d'incumbensas en la valur da 6,39 milliardas enfin la fin da l'onn.