Svizra - Branscha da finanzas tschertga vinavant damain persunal
La branscha da finanzas svizra ha danovamain tschertgà damain novs collavuraturs l'emprim quartal da quest onn.
Ils ultims 3 mais èn las plazzas scrittas ora en l’internet sa reducidas per 0,9%.
Surtut las bancas han offert damain plazzas cun in minus da 2,6%, quai mussa l'index dal portal da finanzas finews.ch. La raschun per questa sminuziun saja tranter auter che tscherts instituts da finanzas hajan transferì plazzas a l'exteriur, commentescha il portal da finanzas.
