En var 10 dis duai puspè dar servetschs divins publics, u lura il pli tard da Tschuncaisma. Quai giavischan ils uvestgs svizzers dal Cussegl federal.
Dapi ier saja bler pussaivel ed avert, servetschs divins restian dentant scumandads. Quai na saja betg pli da declerar, scriva Felix Gmür, il president da la Conferenza dals uvestgs svizzers en ina brev al Cussegl federal. Tschient-millis da persunas hajan in basegn existenzial per messas regularas, scrivan ils uvestgs. Ed ils concepts da protecziun sajan avant maun.
Brev al Cussegl federal Servetschs divins duain bainbaud puspè esser pussaivels
RTR novitads 20:00