Brexit: Banca naziunala sto intervegnir a moda massiva

Suenter il Brexit ha la banca haja intervegnì sin il martgà da devisas cun passa 6 milliardas francs, quai mussa la statistica dals deposits tar la banca naziunala.

Il bajetg da la banca naziunala. Bild in Lightbox öffnen.

Legenda da maletgs: Curt suenter il gea dals Brits al Brexit era la valur dal franc s’augmentada marcantamain. Keystone

La banca naziunala svizra ha prendì questa mesira per betg laschar vegnir pli ferm il franc svizzer. Curt suenter il gea dals Brits al Brexit era la valur dal franc s’augmentada marcantamain. Per flaivlentar il franc envers l'euro cumpra la banca naziunala euros e scriva da bun a las bancas la summa correspundenta da francs svizzers sin lur contos tar la banca naziunala.

Franc era creschì marcantamain

L'augment dals deposits da las bancas è in indizi en tge dimensiun che la banca naziunala ha intervegnì sin il martgà da devisas. Suenter la decisiun da la Gronda Britannia aveva la banca naziunala concedì d'avair intervegnì sin il martgà. En il rom dal Brexit saja il franc vegnì sut squitsch, uschia ils survegliaders monetars. Ins restia vinavant activ sin il martgà.

RR novitads 11:00