Wil fa viva cun Karin-Keller Sutter
La gievgia suentermezdi vegn fatg festa a Son Gagl ed a Wil cun la nova cussegliera federala Karin-Keller Sutter. A Son Gagl hai dà in bainvegni en la Lokremise. Cun vin chaud, café e petta ha er la populaziun pudì far in viva cun Karin Keller-Sutter. Per ils pleds festivs han procurà il president da la regenza da Son Gagl Stefan Kölliker sco era il cusseglier federal Johann Schneider-Ammann.
Anfang Bildergalerie
Bildergalerie überspringen
-
Bild 1 von 11. Il cusseglier federal Johann Schneider Ammann surdat simbolicamain la clav da la Chasa federala. Bildquelle: RTR, Fabia Caduff.
-
Bild 2 von 11. In VIVA sin la nova cussegliera federala. Bildquelle: RTR, Fabia Caduff.
-
Bild 3 von 11. Discussiuns animadas en il tren. Bildquelle: RTR, Gabia Caduff.
-
Bild 4 von 11. Karin Keller-Sutter en il tren cun bler giasts. Bildquelle: RTR, Fabia Cduff.
-
Bild 5 von 11. Ina dunna sin via da success. Bildquelle: RTR, Fabia Caduff.
-
Bild 6 von 11. Pleds da Karin Keller-Sutter. Bildquelle: RTR, Fabia Caduff.
-
Bild 7 von 11. Sin via a la festa. Bildquelle: RTR, Fabia Caduff.
-
Bild 8 von 11. In cordial bainvegni per Karin Keller-Sutter. Bildquelle: RTR, Fabia Caduff.
-
Bild 9 von 11. Karin Keller-Sutter vegn retschavida cun grond plaschair. Bildquelle: RTR, Fabia Caduff.
-
Bild 10 von 11. Ils prims gratulants. Bildquelle: RTR, Fabia Caduff.
-
Bild 11 von 11. La liongia da brassar è pronta... Bildquelle: RTR, Fabia Caduff.
Ende der Bildergalerie
Zurück zum Anfang der Bildergalerie.
Silsuenter èn ils giasts ids cun il tren a Wil. La saira baud cumenzan las festivitads cun in til da la staziun vers la citad veglia. Sin il plaz da la curt vegn lura fatg in apero per la populaziun, la cussegliera federala e giasts.
Karin Keller-Sutter
Brig fa viva cun Viola Amherd
Viola Amherd va cun in tren spezial via il Vallais Sut a Brig. Ina prima fermada è planisada a Saint-Maurice. Lura viagia la raspada da festa vinavant, en la stretga patria da la nova cussegliera federala vallesana
Anfang Bildergalerie
Bildergalerie überspringen
-
Bild 1 von 27. Grond interess da las medias a Berna avant la partenza dal tren spezial en direcziun Vallais. Bildquelle: RTR, Adrian Camartin.
-
Bild 2 von 27. Anc curt ina foto da la nova cussegliera federala Viola Amherd. Era a Berna giauda ella grondas simpatias. Bildquelle: RTR, Adrian Camartin.
-
Bild 3 von 27. Per ch’ins haja avunda forzas per il lung viadi. En il tren vegn offert in plat cun spezialitads vallesanas. Bildquelle: RTR, Adrian Camartin.
-
Bild 4 von 27. Bainvegni a St-Maurice, l'emprima fermada dal tren spezial. Bildquelle: RTR, Adrian Camartin.
-
Bild 5 von 27. Accumpagnada sin quest viadi vegn Viola Amherd da la cussegliera federala Doris Leuthard. Bildquelle: RTR, Adrian Camartin.
-
Bild 6 von 27. Era ils scolars da St-Maurice èn vegnids a la staziun per vesair la nova cussegliera federala vallesana. Bildquelle: RTR / Adrian Camartin.
-
Bild 7 von 27. Emprima fermada, emprim pled da la cussegliera federala Viola Amherd. Ella filosofescha davart il sontg Murezzi e sia nov'incumbensa el VBS. Bildquelle: RTR / Adrian Camartin.
-
Bild 8 von 27. E gia èsi temp da cuntinuar il viadi. Proxima fermada Sion. Bildquelle: RTR / Adrian Camartin.
-
Bild 9 von 27. Era en la chapitala dal Vallais spetgan bleras persunas la nova cussegliera federala. Bildquelle: RTR, Adrian Camartin.
-
Bild 10 von 27. Natiralmain na dastga ina fota cun il president da la citad da Sion, Philippe Varone e la presidenta da la regenza vallesana, Esther Waeber-Kalbermatten betg mancar. Bildquelle: RTR, Adrian Camartin.
-
Bild 11 von 27. Il pled da cussegliera federala Viola Amherd vegn era translatà en lingua da segns. Bildquelle: RTR, Adrian Camartin.
-
Bild 12 von 27. L'interess da la populaziun è grond. Nua èn pomai las duas cusseglieras federalas? Bildquelle: RTR, Adrian Camartin.
-
Bild 13 von 27. Ins vesa unifurmas, .... Bildquelle: RTR, Adrian Camartin.
-
Bild 14 von 27. ... in spazzachamin spezial, ... Bildquelle: RTR, Adrian Camartin.
-
Bild 15 von 27. ... e duas dunnas en costums d'antruras. Bildquelle: RTR, Adrian Camartin.
-
Bild 16 von 27. Ultima staziun dal viadi en il tren spezial è la citad nativa da la nova cussegliera federala – Brig. Bildquelle: RTR, Adrian Camartin.
-
Bild 17 von 27. La guardia d'onur da la polizia chantunala è gia pronta per il til festiv. Bildquelle: RTR, Adrian Camartin.
-
Bild 18 von 27. Dad omaduas varts da la via spetgan millis da persunas sin il til festiv e lur nova cussegliera federala, Viola Amherd. Era ils scolarets cun lur chapitschas mellen-nairas èn tut gnervus. Bildquelle: RTR, Adrian Camartin.
-
Bild 19 von 27. Igl è fraid. Ma la populaziun da Brig taidla attent ils pleds. Per sa stgaudar datti in bitger vin chaud. Bildquelle: RTR, Adrian Camartin.
-
Bild 20 von 27. Per ils osps envidads cuntinuescha la festa en la Halla Simplon. Bildquelle: RTR, Adrian Camartin.
-
Bild 21 von 27. La musica na dastga era betg mancar. Sco emprima artista chanta Stefanie Heinzmann. Bildquelle: RTR, Adrian Camartin.
-
Bild 22 von 27. Cussegliera federala Doris Leuthard ha purtà regals per Viola Amherd. Tranter auter era in anghel pertgirader. Quel possian ins mintgatant propi duvrar en il Cussegl federal, di Leuthard cun in surrir. Bildquelle: RTR, Adrian Camartin.
-
Bild 23 von 27. En ses pled citescha Viola Amherd la scribenta austriaca Marie Ebner von Eschenbach. «Wenn die Zeit kommt, in der man könnte, ist die vorüber, in der man kann». Bildquelle: RTR, Adrian Camartin.
-
Bild 24 von 27. Tar ina festa per l'emprima cussegliera federala dal Vallais na dastga la chantadura Sina betg mancar. Bildquelle: RTR, Adrian Camartin.
-
Bild 25 von 27. In present spezial. Sco regurdientscha survegn Viola Amherd in maletg che mussa ella entamez las emprimas dunnas che dastgan ir a votar. Bildquelle: RTR, Adrian Camartin.
-
Bild 26 von 27. Grande finale cun las duas chantaduras vallesanas Stefanie Heinzmann e Sina. Bildquelle: RTR, Adrian Camartin.
-
Bild 27 von 27. Tar questa musica na resta era la nova cussegliera federala betg sin la sutga. Viola Amherd sauta cun Sina e Stefanie Heinzmann sin tribuna da la Halla Simplon. Bildquelle: RTR, Adrian Camartin.
Ende der Bildergalerie
Zurück zum Anfang der Bildergalerie.
La festa uffiziala cumenza cun ina gronda retschavida a Brig. Var 1'200 scolaras e scolars e tschients da giasts vegnan a beneventar lur cussegliera federala vallesana. Il banchet da festa ha lieu en la halla da Simplon.
Viola Amherd
RR actualitad 17:00