Siglir tar il cuntegn

Header

cuntegn

Svizra Brigitta Gadient a la testa da cumissiun Snowden

L'anteriura Cussegliera naziunala Brigitta Gadient vegn a manar la cumissiun Snowden. La Cussegliera federala Eveline Widmer-Schlumpf haja dà l'incumbensa a Gadient, quai rapporta la «Sonntagszeitung».

L'onn passà aveva il Parlament federal decidì ch'ina cumissiun duai mussar tge che las scuvertas da Snowden muntan per la Svizra. Widmer-Schlumpf ha ussa selecziunà ina manadra per questa cumissiun, numnadamain l'anteriura Cussegliera naziunala Brigitta Gadient.

Nagina experientscha cun surveglianza e protecziun da datas

Fin uss è Gadient cunzunt s’engaschada per il turissem, per il traffic e per la cooperaziun al svilup. La protecziun da datas e surveglianza n’eran betg sia domena. Cun quai nescha la dumonda, daco che Widmer-Schlumpf ha gist elegì Gadient. Omaduas dunnas appartegnan a la partida burgais-democratica (PBD).

Il cas Edward Snowden

Edward Snowden – in anteriur collavuratur d'in servetsch secret american – aveva publitgà blers documents cun detagls co servetschs secrets han spiunà ora grondas parts da la populaziun.

Tenor la «Sonntagszeitung» n'era Gadient betg cuntanschibla per prender posiziun.

RR novitads 10:00

Artitgels legids il pli savens