Legenda:
Il fieu è rut ora en in surchombras ed ha svelt tschiffà autras chasas.
Keystone
cuntegn
Svizra - Brischament a Berna: Radund 30 abitaziuns donnegiadas
Suenter l’incendi grond en il quartier Betlehem da la citad da Berna tiran las autoritads l’emprima bilantscha. In surchombras d’ina chasa da pliras famiglias aveva piglià fieu ed l’incendi aveva alura era tschiffà las autras chasas.
Sco ils pumpiers da Berna communitgeschan, sajan las abitaziuns ubain donnegiadas dal fieu ubain er da l'aua da stizzar. Blessads n'hai dà nagins, tuttina han 55 persunas stuì vegnir tractadas da la sanitad. Ils abitants pertutgads sajan tar persunas privatas u en hotels.
Il fieu saja stà sut controlla sonda saira enturn las 21:00, uschia ils cumandant dals pumpiers da Berna. La summa da donns n'è anc betg eruida. Ed er il motiv per l'incendi n'è anc betg sclerì.
