Svizra - Brischament en bajetg da la SBB a Losanna
ll traffic da trens tranter Genevra e Losanna è stà restrenschì il suentermzedi. Quai pervia d'in fieu en l'indriz regulatur da la staziun da Losanna, sco la SBB ha communitgà. Ils pumpiers hajan stuì evacuar temporamain la centrala da manaschi da la SBB. I n'haja dà nagins blessads.
Pertutgada dal disturbi saja surtut stada la colliaziun da viafier tranter Genevra, Losanna e Bienna. Tenor l'SBB èsi da quintar cun retards da tren en la Svizra franzosa.
